Vizita e Kryeministrit Edi Rama në Kroaci, sipas medias kroate, ka lidhje me inaugurimin e një hoteli në Zagreb.
TPortal shkruan se dy kryeministrat, Andrej Plenkoviq dhe Edi Rama, do të marrin pjesë në ceremoninë e hapjes zyrtare të hotelit “Met Boutique” në qendër të Zagrebit.
Në ftesë për mediat thuhet se hoteli është një ‘shembull i shkëlqyer i bashkëpunimit ekonomik mes Shqipërisë dhe Kroacisë’. Konkretisht, investitor është kompania shqiptare Gener 2, në pronësi të një prej shqiptarëve më të pasur, Bashkim Ulaj.
Projekti filloi në vitin 2017, kur ndërtesa në Prashka 4 u ble nga kompania Abau nga Lovran, pronar i së cilës është Gener 2.
Hoteli i ri Met Boutique, me 5 yje, ka 26 dhoma në pesë kate, dhe në papafingo ka dhoma takimi, një banjë dhe tre apartamente. /Burimi: Tportal/
The post Prapaskena e vizitës së Ramës në Zagreb, do inaugurojë hotelin e oligarkut shqiptar appeared first on 27.
