Kandidatja për deputete nga radhët e Lëvizjes Socialiste për Integrim, Edlira Hyseni ka thënë se do ta pranojë mandatin sepse beson që ndryshimet vijnë me njerëzit.
Hysi shkruan në Facebook se ka qenë edhe kërkesa e djalit të saj që e ka shtyrë të pranojë mandatin e deputetes të LSI-së për të përfaqësuar qarkun e Durrësit.
Reagimi i plotë i Hysit:
“Ti mam, duhet ta pranosh ate mandat, sepse partitë i bëjnë njerëzit e kush të njeh, e di se ti zgjedh me zemër, se ti ke ngritur një jetë mbi punën” – : më tha Kevin, im bir, vetëm 19 vjeç. Kevin më tregoi edhe këtë herë, se fëmijët tanë janë një brez i bukur, mbushur plot besim e shpresë, një brez që meriton të zgjedh të ardhmen e tij në Shqipëri !
Po, une do ta pranoj mandatin për deputetë e Qarkut Durrës në Kuvendin e Shqipërisë, që mbase rastësia a mbase diçka me shumë e solli si mundësi reale në udhën time.
Do ta pranoj, sepse besoj që ndryshimet vijnë me njerëzit, dhe nëse nuk nisim të gjithë nga pak të bëjmë ndryshimin që presim, nuk mund të ankohemi për askënd tjetër!
Do ta pranoj, sepse u kam kërkuar mbështetje dhe vote cdo bashkeqytetarit tim kam njohur e takuar, duke u premtuar te isha nje prej tyre, kudo te shkoja dhe cfaredo mundesie te me jepej per me shume!
Do ta pranoj sepse besoj tek demokracia, liria dhe respekti i vullnetit te cdo pale, kur me vote kane zgjedhur e vec me vote le te vij ndryshimi!
Do ta pranoj, me shpresen per te dhene sadopak besim tek brezi im, qe enderruam vertet nje Shqiperi si gjithe Evropa, studiuam, punuam, pritem dhe sot po hedhim syte drejt emigrimit!
Do ta pranoj, sepse besoj tek mirenjohja dhe miqesia e kjo zgjedhje ka lidhje dhe me te !
Do ta pranoj per dashurine e pafundme qe kam per Durresin tim dhe per krenarine e origjines time came!
E pranoj kete angazhim si nje pune, nje pergjegjesi, nje deshire, nje sfide dhe i lutem Zotit te me ndihmoje per te nderuar veten dhe te gjithe ju qe besoni tek une!
Une nuk di te them sa e meritoj kete privilegj, sa do mundem ta bej mire, por nese mendja, zemra e profesioni im do sherbejne sado pak ne te mire te ketij vendit tone dhe do inkurajojne njerezit si une e me te mire se une, te afrohen tek politika, do them se kjo zgjedhje ka vlejtur!
Uroj t’ju kem krahe e mbeshtetje, pertej cdo ngjyre apo bindje politike, sic keni qene perhere ne perpjekjet e mia, per nje jete me te mire ne qytetin qe duam, ne keto 4 vite perfaqesie ne Keshillin Bashkiak te Durresit.
Dhe … Opozitare kam lindur, politikane s’e di ende …
