Një ngjarje tragjike ka ndodhur në spitalin Victoria në Australi, ku një foshnjë një vjeçare që mendohej se kishte rezultuar pozitive me Covid-19 ka ndërruar jetë teksa priste të kontrollohej në departamentin e urgjencës, thuhej në raportin lokal. Sipas raporteve lokale spitalet në Victoria janë nën rritjen e presionit për shkak të valës së fundit të Covid-19.
Menaxheri i spitalit u raportua të ketë thënë: “Barwon Health shpreh ngushëllimet më të thella për familjen dhe të dashurit e fëmijës. Kjo është një kohë e vështirë për të gjithë”.
Reparti i urgjencës së spitalit kishte një kohë pritjeje prej rreth 45 minutash në vitin 2019, por kjo tani është rritur në 13 orë. Spitalet në të gjithë shtetin po përballen me vështirësi, me CEO të West Gippsland Healthcare, Dan Weeks, që konfirmon se Spitali Warragul është në kapacitet të lartë punonjësish, por jo të pajisjeve spitalore.
“Ne kemi një departament të urgjencës plot me pacientë që duhet t’i pranojmë dhe nuk kemi shtretër për t’i pranuar të gjithë”.
Spitali Royal Melbourne ka rikthyer disa kufizime, të tilla si: një numër maksimal prej dy vizitorësh në shomën e pacientit dhe maska të detyrueshme, pas një rritjeje prej 30% të rasteve me Covid.
Ministrja e re e shëndetësisë, Mary-Anne Thomas refuzoi të përjashtonte kthimin e bllokimeve në fillim të javës, por Ministri për mbështetjen dhe rimëkëmbjen e industrisë Ben Carroll këmbëngul se qeveria nuk po merr parasysh mandatet dhe bllokimet.
