Komisioneri Shtetëror i Zgjedhjeve, Ilirian Celibashi, bëri të ditur të hënën se Komisioni Qendror i Zgjedhjeve ka hapur një procedurë administrative për fushatën vizuale që ka nisur Partia Socialiste, pas denoncimeve të marra për “fushatë denigruese” ndaj opozitës.
“Kemi vendosur të hapim procedurën administrative të shqyrtimit të denoncimeve të paraqitura nga koalicioni ‘Bashkë Fitojmë’ dhe disa organizata për mënyrën se si po e prezanton fushatën nga pikëpamja vizuale Partia Socialiste dhe subjekte të tjera,” tha Celibashi.
Deklarata e tij u bë pasi përfaqësuesi i koalicionit “Bashkë Fitojmë” në KQZ, Altin Kaziaj denoncoi mesazhin e shpërndarë nga Partia Socialiste në dhjetëra billboarde në Tiranë dhe qytete të tjera të Shqipërisë. Ai iu referua posterit elektoral që shfaq kryeministrin Edi Rama me ngjyra dhe liderët e koalicionit opozitar, Sali Berisha dhe Ilir Meta, në një imazh bardh e zi.
Kaziaj i kërkoi Celibashit që të marrë masa urgjente, pasi kjo fushatë sipas tij po prish barazinë në garë dhe është në shkelje të Kodit Zgjedhor.
“Nga data 15 prill, në rrugët e Tiranës dhe të gjithë Shqipërisë konstatojmë billboarde të mëdhenj me gjuhë fyese, denigruese të kryeministrit të vendit ndaj përfaqësuesve të opozitës,” tha Kaziaj.
“Për barazi të armëve duhet të shihni çfarë po bën qeveria,” shtoi ai.
Komisioneri u mbrojt me ‘volumin e dokumentacionit’ në radhë për t’u shqyrtuar.
“Nuk ka qasje të diferencuar për arsye subjektive për sjelljen elektorale të të gjitha partive,” tha Celibashi duke bërë të ditur se kishte shumë denoncime për fushatën.
Komisioneri shqyrtoi të martën denoncimin e monitoruesve të KQZ-së në terren për një zyrë elektorale të koalicionit opozitare më pak se 300 metra larg qendrave të votimit, ku kërkoi bashkëpunimin e koalicionit për të zhvendosur zyrën.
Komisioneri Shtetëror i Zgjedhjeve, Ilirian Celibashi, bëri të ditur të hënën se Komisioni Qendror i Zgjedhjeve ka hapur një procedurë administrative për fushatën vizuale që ka nisur Partia Socialiste, pas denoncimeve të marra për “fushatë denigruese” ndaj opozitës.
“Kemi vendosur të hapim procedurën administrative të shqyrtimit të denoncimeve të paraqitura nga koalicioni ‘Bashkë Fitojmë’ dhe disa organizata për mënyrën se si po e prezanton fushatën nga pikëpamja vizuale Partia Socialiste dhe subjekte të tjera,” tha Celibashi.
Deklarata e tij u bë pasi përfaqësuesi i koalicionit “Bashkë Fitojmë” në KQZ, Altin Kaziaj denoncoi mesazhin e shpërndarë nga Partia Socialiste në dhjetëra billboarde në Tiranë dhe qytete të tjera të Shqipërisë. Ai iu referua posterit elektoral që shfaq kryeministrin Edi Rama me ngjyra dhe liderët e koalicionit opozitar, Sali Berisha dhe Ilir Meta, në një imazh bardh e zi.
Kaziaj i kërkoi Celibashit që të marrë masa urgjente, pasi kjo fushatë sipas tij po prish barazinë në garë dhe është në shkelje të Kodit Zgjedhor.
“Nga data 15 prill, në rrugët e Tiranës dhe të gjithë Shqipërisë konstatojmë billboarde të mëdhenj me gjuhë fyese, denigruese të kryeministrit të vendit ndaj përfaqësuesve të opozitës,” tha Kaziaj.
“Për barazi të armëve duhet të shihni çfarë po bën qeveria,” shtoi ai.
Komisioneri u mbrojt me ‘volumin e dokumentacionit’ në radhë për t’u shqyrtuar.
“Nuk ka qasje të diferencuar për arsye subjektive për sjelljen elektorale të të gjitha partive,” tha Celibashi duke bërë të ditur se kishte shumë denoncime për fushatën.
Komisioneri shqyrtoi të martën denoncimin e monitoruesve të KQZ-së në terren për një zyrë elektorale të koalicionit opozitare më pak se 300 metra larg qendrave të votimit, ku kërkoi bashkëpunimin e koalicionit për të zhvendosur zyrën.
