Të paktën 45 persona kanë gjetur vdekjen nga zjarret në Portugalinë qendrore, shumë prej të cilëve u bllokuan në makina, ndërsa flakët përfshinë një rrugë në pyll.
Ministria e Brendshme tha se shumica e vdekjeve kanë ndodhur në zonën e Pedrogao Grande, rreth 93 milje në verilindje të Lisbonës.
Rreth 600 zjarrfikës janë vënë në punë për shuarjen e zjarrit gjatë fundjavës. Ministria tha se 16 persona gjetën vdekjen në makinat e tyre në një rrugë midis qyteteve Figueiro dos Vinhos dhe Castanheira de Pera dhe tre të tjerë vdiqën nga tymi në Figueiro dos Vinhos.
Portugalia ka pësuar temperatura të larta që kanë arritur në 40 gradë ditët e fundit. Vendi jugor i Evropës është i prirur për zjarre në pyje në muajt e thatë të verës.
