Ashtu sikurse u paralajmëruar, moti i keq me reshje dhe stuhi ka mbërthyer sot të gjithë vendin. Por situate problematike nga moti raportohet edhe në shtetin fqinj, Italinë.
Për pasojë dy tragete plot me pasagjerë shqiptare nuk po imbarkohen dot në Portin e Barit, i cili është mbyllur për arsye sigurie sipas rregullores së tyre portuale.
Autoriteti Portual Durrës, bën me dije se tragetet e parashikuara për t’u nisur mbrëmjen e sotme, pezullojnë lundrimin nga Porti i Durrësit.
Konkretisht është pezulluar trageti “Bari”, i linjës Durrës-Bari dhe trageti “AF Marina”, i linjës Durrës-Bari.
Njoftimi i plotë:
Njoftim mbi pezullimin e përkohshëm të lundrimeve drejt Portit të Barit
Si pasojë e mbylljes së përkohshme të Portit të Barit, për shkak të situatës së motit, ju bëjmë me dije se tragetet e parashikuara për t’u nisur mbrëmjen e sotme nga Porti i Durrësit, pezullojnë përkohësisht lundrimin drejt këtij Porti.
Konkretisht:
Trageti “Bari”, i linjës Durrës-Bari;
Trageti “AF Marina”, i linjës Durrës-Bari;
parashikuar për t’u nisur nga Porti i Durrësit rreth orës 23:00 të mbrëmjes së sotme, kanë anuluar lundrimin, si pasojë e situatës së motit
Agjencitë lundrimore kanë bërë njoftimin e të gjithë pasagjerëve për këto ndryshime, deri në një njoftim të dytë për rikthimin në normalitet.
Ndërkohë, trageti i linjës Durrës-Ankona është nisur pa problem drejt destinacionit, sot në orën 17:00, pasi situata në këtë Port paraqitet më e qetë.
Porti i Durrësit kërkon mirëkuptimin e të gjithë udhëtarëve, për vonesat e krijuara, duke siguruar se gjithçka është në funksion të sigurisë së tyre të udhëtimit.
