Që nga dita e djeshme, masa më të rrepta kundër përhapjes së koronavirusit janë në fuqi në Poloni dhe në ditët e ardhshme, njoftoi qeveria.
Ata do të hapin spitale shtesë që do të merren me rritjen e numrit të rasteve të infeksionit.
Masat më të ashpra, sipas të cilave janë shtyrë të gjitha aktivitetet sportive, u mbyllën muzeumet, hotelet, pishinat dhe dyqanet që nuk shesin produktet e nevojshme, hynë në fuqi të Shtunën dhe do të zgjasin për tre javë.
Ministri polak i Shëndetësisë Adam Nedjielski, përmendi variantin britanik për rritjen e numrit të rasteve të infeksionit koronavirus, duke thënë se ky “variant më ngjitës i koronavirusit është përgjegjës për 60 deri në 80 përqind të të gjitha rasteve të reja”.
Në planin afatgjatë, pritet që numri i pacientëve me Covid-19 në trajtimin spitalor pothuajse të dyfishohet.
Më shumë se 23,000 pacientë me Covid-19 janë duke u trajtuar aktualisht në spitale, dhe më shumë se 2,300 prej tyre janë me oksigjen.
Autoritetet polake njoftuan 26,405 raste të reja në 24 orë të shtunën.
Polonia, e cila ka një popullsi prej pak më pak se 38 milion banorësh, ka pasur më shumë se dy milion raste të konfirmuara të infeksionit koronavirus dhe gati 49,000 vdekje që nga fillimi i pandemisë, sipas Universitetit Johns Hopkins.
