Banorët e Bërxullës kanë dalë në një protestë para Ministrisë së Infrastrukturës sa i takon ndërtimit të projektit Thumanë-Kashar që sipas tyre po iu shkatërron pronat dhe ata nuk po marrin dëmshpërblimin e duhur.
Banorët akuzojnë qeverinë për devijimin e projektit duke akuzuar edhe kompaninë që do e ndërtojë, “Gener 2”si një firmë hajdute.
Ky projekt sipas banorëve prek 20 shtëpi dhe deri tani nuk ka asnjë bisedim me instancat përkatëse. Sipas banorëve qeveria po tallet me ta.
Lexo edhe: Projekti Thumanë-Kashar/ Banorët përplasen me Policinë: Po na soset durimi
“Ku është shteti këtu. I bëj thirrje ministrit Çuçi pse nuk ndërhyn. Na përdorin mish për top. Me këto mënyra politikanët do e vdesin Shqipërisë. Çfarë zhvillimi do të ketë rruga kur nuk asnjë lloj projekti. Jemi si copa mishi që mund t’i votojmë sa herë duan. Kemi 35 ditë që bëjmë protestë dhe shteti nuk merr mundimin të vogël që të vijë të na e shpjegojë. Unë e kam me paligjshmërinë që bën shteti ynë. Ku u bazua për çmimin e referencës, 4480 lekë”, tha një nga banorët.
Rikujtojmë se banorët po protestojnë prej ditësh, ndërsa nuk kanë ende asnjë përgjigje nga qeveria.
