Forca të shumta policie dhe të asaj Bashkiake kanë mbërritur këtë pasdite në Qytetin Studenti për të nxjerrë nga aty banorët që ndodhen prej vitesh në godinën nr.15.
Në videon e siguruar nga MAPO, Policia u kërkon banorëve të dalin nga godina me pretekstin se në këtë godinë ka pasur dëme nga tërmeti i 26 nëntorit.
Familjarët kanë refuzuar urdhërin e Policisë, duke u shprehur se ndërtesa nuk ka pasur dëmtime.
Ajo çfarë ka shkaktuar më shumë dyshime tek banorët është se policia ka shkuar pikërisht në një orë të vonë të ditës për t’i nxjerrë nga ndërtesa.
Banorët akuzojnë kryebashkiakun Erion Veliaj se po përfiton nga situata për t’i nxjerrë ata jashtë.
