Policia e Shtetit, FNSH dhe RENEA po zhvillojnë sot një aksion anti-drogë në qytetin e Vlorës që prej orëve të para të mëngjesit.
Aksioni është fokusuar më shumë në zonën e Skelës, ndërsa forca të shumta policore kanë rrethuar thuajse të qytetin bregdetar.
Mësohet se deri më tani janë kontrolluar banesa dhe automjete të shumë personave, të cilët dyshohet se merren me trafik droge.
Deri më tani, nuk ka asnjë deklaratë nga policia në lidhje me aksionin, ndërsa pritet që ditën e nesërme të ketë një komunikatë nga policia lidhur me rezultatet.
