“Peshqit e mëdhenj” notojnë të qetë në detin e patrazuar të kriminalitetit shqiptar, ama nuk mund ta themi të njëjtën gjë për “cironkat”. Në kapjen e kriminelëve të “kalibrit” të ulët, Policia e Shtetit ka sukses.
Ky institucion ka publikuar vetë lajmin e “bujshëm” të kapjes së një hajduti në Elbasan, ndërsa ka shfaqur imazhet e mallrave që ka vjedhur si dhe mjetet e tij të “punës”.
Fotot
Njoftimi i policisë
Finalizohet me sukses operacioni policor i koduar “Nata e fundit” .
Operacioni nga strukturat e Komisariatit të Policisë Elbasan
Zbardhen një sërë vjedhjesh të ndodhura më parë në Elbasan.
Arrestohet në flagrancë një 29 vjeçar, autori i vjedhjeve.
Sekuestrohen në cilësinë e provës materiale sendet e vjedhura, si dhe sendet që autori dyshohet se i ka përdorur për të kryer vjedhjet.
Në vijim të punës për zbardhjen e vjedhjeve të ndodhura më parë, kapjen dhe vënien para përgjegjësisë ligjore të autorëve, nga Specialistët për Hetimin të Krimit në Komisariatin e Policisë Elbasan, është bërë e mundur zbardhja e një sërë vjedhjesh të ndodhur më parë.
Në kuadër të operacionit u bë kapja dhe arrestimi i shtetasit:
• M.J, 29 vjeç, banues në lagjen “Vullnetari”, Elbasan.
Nga veprimet hetimore të kryera dyshohet se ky shtetas në kohë dhe vende të ndryshme ka kryer një sërë vjedhjesh në qytetin e Elbasanit, dhe konkretisht:
• Më datë 19.09.2018, në lagjen “Qemal Stafa” Elbasanit, dyshohet se ka vjedhur një agjendari në pronësi të shtetasit Xh.H.
• Më datë 08.09.2018, në lagjen “Luigj Gurakuqi” , Elbasan, dyshohet se ka vjedhur dyqanin e shtetasit Sh. A.
Më datë 05.09.2018, në lagjen “Syrja Dylgjeri” , Elbasan, dyshohet se ka vjedhur dyqanit (Kjoskë) në pronësi të shtetasit P. S.
Më datë 05.09.2018, në lagjen “28 Nëntori” , Elbasan, dyshohet se ka vjedhur dyqani (Kjoskë) në pronësi të shtetasit A. I.
• Më datë 03.09.2018, në lagjen “5 Maji Elbasan”, dyshohet se ka vjedhur dyqanin e shtetasit H.F.,
Më datë 13.08.2018, në lagjen “Viserian Xhuvani” , Elbasan, dyshohet se ka vjedhur dyqanin e shtetasit V. K.
Në cilësinë e provës materiale u sekuestruan sendet e vjedhura.
• unaza, varëse, byrzylyk, disa monedha metalike, aparatet celuar.
Si dhe materialet që autori dyshohet se I ka përdorur për të kryer vjedhjet, një çantë, sqepar, një palë pinca, 2 kaçavida, një levë metalike.një palë gërshërë prerëse, një material qafore leshi deveje me ngjyrë të zezë dhe shirita.
Materialet i kaluan Prokurorisë pranë Gjykatës së Shkallës së Parë Elbasan, për veprën penale “Vjedhja” parashikuar nga neni 134 i Kodit Penal.
