Për të shpërndarë turmën e protestuesve, ndërsa situata dukej e tensionuar në Bulevardin “Dëshmorët e Kombit” punonjësit e policisë vijojnë të lëshojnë gaz lotsjellës.
Kreu demokrat, Lulzim Basha u shpreh se protestuesit nuk do të cënojnë efektivët, dhe qëllimi i protestës është për t’i dhënë mesazh të qartë kryeministrit Rama, që qytetarër nuk do të ndalen.
“Nuk ka gaz lotsjellës e brutalitet policor ta ndalë e ta shpërndajë vullnetin tonë sot. Bashkohuni miqtë e mi, vëllezër e motra. Protesta vazhdon e do të vazhdojë. Beteja do të vazhdojë deri në fitore. E duam Shqipërinë si e gjithë Evropa. Asgjë më kriminale nuk ka se pasi të vjedhësh taksat e popullit ti përdorësh ato për të helmuar protestuesit. Prandaj si garancia e vetme për kushtetutë dhe ligj, me një kërkesë, me një mision, me një qëllim, “E duam Shqipërinë sie gjithë Evropa”, deklaroi lideri i opozitës.
