Pak minuta më parë policia ka ndaluar dy mbështetës të Bashës, në momentin e parë që ta kanë dalë nga selia. Në lidhje më ketë çështje ka reaguar sekretari i Përgjithshëm i PD, Gazment Bardhi, i cili i ka kërkuar llogari Policisë së Shtetit se përse po bën këtë veprim, të cilin ai e quan të jashtëligjshëm.
Ndërsa tregoi se më parë anëtarët e PD janë kontrolluar nga policia para se të hynin në seli, duke ngritur akuza se ky veprim i policisë është një nga maskaradat e radhës së kryeministrit Rama. “Dua të marr informacion nga Policia e Shtetit përse po ndalohen anëtarët e PD-së në oborrin e PD-së. Dua të informoj median, që çdo person, që ka qenë brenda Selisë qendrore të PD-së ka kaluar procedure verifikimi nga ana e policisë dhe prokurorisë. Më pas ka kaluar në procedure të plotë fizik të çdo personi që ka qenë brenda PD-së. Dhe më pas ka kaluar kontroll të imtësishëm të çdo ambienti në seli. Janë kontrolluar të gjitha zyrat e deputetëve. Ne nuk kemi asgjë për të fshehur. Ne i kemi lejuar të kontrollojnë dhe zyrat e deputetëve pa autorizim nga kuvendi.
Pasi ka përfunduar procedura ligjore, kanë shoqëruar disa persona. Çfarë krimi ka bërë Sokrat Turtulli që është shoqëruar në Polici? Çfarë krimi ka bërë kryetari i degës së PD në Durrës Luan Hoti? Pse po ndodh kjo maskaradë me urdhër politik të Edi Ramës”, tha ai.
Kujtojmë se dhe pak më herët kryedemokrati Lulzim Basha akuzoi Ramën se ka komanduar policinë gjatë gjithë protestës së sotme, për të thelluar më shumë trazirat dhe që në asnjë moment nuk veproi sipas ligjit
