Arrestohen dy skafistët nga Vlora, droga kap vlerën 7 milionë eurove
Policia italiane sekuestroi 700 kg drogë e gjetur në një skaf që shkonte nga Shqipëria drejt Italisë. Policia italiane ka arrestuar dy skafistët me iniciale T.K 45-vjeç e D.Q 40-vjeç, të dy nga qyteti i Vlorës. Shqiptarët tentuan të fshehin drogën duke e hedhur në det, por policia italiane i ndaloi. Policia italiane informoi se lënda narkotike do të kapte në treg vlerën e 7 milionë eurove.
Pak ditë më parë, Prokurori i Antimafias së Leçes, Cataldo Motta deklaroi në media, se rruga e trafikut të lëndëve narkotike Shqipëri-Itali është ende shumë aktive. Ai tha se nga Shqipëria vi9jnë shumë skafe me drogë pasi shumë prej tyre janë kapur nga policia italiane.
