Polcia e Durrësit ka arrestuar dy gra të akuzuara për “Prostitucion” dhe “Shfrytëzim prostitucioni”.
Specialistët për Trafiqet në Drejtorinë e Policisë së Durrësit kanë arrestuar S.S., 57 vjeçe dhe T.T., 49 vjeçe, të dyja banuese në Durrës.
Operacioni u finalizua dje pas një pune hetimore prej dy muajsh dhe të dyja gratë u kapën në ambientin ku ushtronin prostitucion brenda qytetit të Durrësit.
Policia ka dokumentuar se dy shtetaset kanë ushtruar prostitucion dhe kanë shfrytëzuar edhe femra të tjera për prostitucion kundrejt pageseva të caktuara.
Për dy shtetaset Gjykata e Rrethit Gjyqësor Durrës ka caktuar masën “Arrest në burg”, ndërkohë që akuzohen për “Shfrytëzim prostitucioni” në ngarkim të tutores S.S. dhe “Prostitucion” në ngarkim të 49-vjeçares T.T..
