Policia e Fierit ka hedhur poshtë lajmin që ka qarkulluar në media se forca të shumta nga Policia e Vlorës po zhvendosen drejt Fierit për shkak të takimit që do të zhvillojë kreu i PD Lulzim Basha, ku mund të ketë përplasje.
Burime nga policia e Fierit bëjnë me dije për Gijotina.com se Drejtoria e Policisë në Fier nuk ka kërkuar mbështetje nga DVP Vlorë për shtimin e forcave policore.
Kreu demokrat Lulzim Basha do të zhvillojë një takim me demokratët e Fierit në orën 11:00. Nga ana tjetër, kujtojmë se ditën e sotme ish kryeministri, Sali Berisha ka njoftuar se do të ketë një takim me demokratët e Shkodrës në të njëjtën orë që Basha do mbajë takimin në Fier.
