Nga Anila Hoxha
Ne lajm i mirë dhe një lajm i keq …
1. Nebi Hyskaj, ish-polici të cilit në 1997 ju vranë përkrah shokët ju rikthye policisë. Ju lumtë! Pavarësisht vonesës, faleminderit që nuk e harruat për gjithë jetën, në cepin e të harruarve ! Ai është dëshmitari i gjallë që na rrefen se polici e ka vendin dhe shtëpinë në polici, krimineli e ka vendin në burg dhe dëshmoret e policisë e kanë vendin edhe në ndërgjegjjen tonë, për t’na kujtuar se kemi përgjegjësi për jetën që ju rrëmbye çdonjërit.
2. Por ndërkohë në të njëjtën ditë, policë të rinj që kanë shumë rrugë për të bërë përpara, shpërndanin letër faljen e drejtorit të përgjithshëm. Lutja e faljes ju drejtohet bizneseve dhe klientëve që ditën e protestës para parlamentit u sulmuan me gaz lotsjellës. Patetike!!
Së pari drejtori i përgjithshëm i policisë t’u kërkojë falje publike madje të veteve, policëve që ruajnë rendin dhe qetësinë orar pa orar dhe pikërisht me firmë të tij nuk ju paguhen orët shtesë.
T’iu kërkojë falje dhe të ulë kryet para tyre, që u neuroparalizuan nga gazi, njësoj si çdokush që gjendej atë dite në protestë.
T’i kërkojë falje vetes si drejtor i përgjithshëm i policisë së shtetit që para se të urdhëronte bashkë me të tjerët lëshimin e gazit lotsjelles duhet të lexonte edhe njëherë ligjin dhe rregullat. Si më poshte:
“VKM 730 date 28.05.2008 dhe një VKM tjetër me Nr.293 datë 08.04.2015 “Për miratimin e llojeve të armatimit, të lëndëve neuroparalizuese dhe mjeteve të tjera të përdorimit të forcës nga Policise së Shtetit”,
“Rregullorja e Funksionimit të Forcave Levizese Operacionale Nr.146 date 09.04.2013”,
“Procedura Standarde të Punes të Strukturave të Rendit dhe Sigurisë Publike Nr.253 datë 15.03.2017 “,“Për planifikimin e shërbimeve të policisë gjatë zhvillimeve të tubimeve”.
Por mbi të gjitha çdo qytetari të qetë dhe paqësor që pikërisht ligji i jep të drejtën për të protestuar. Gazi lotsjellës nuk lëshohet si t’i teket drejtuesve të policisë, ka procedura dhe duhet të ezaurohen disa etapa. Përse ekziston reparti i ndërhyrjes së shpejtë? Përse i vendosni kordonet? Përse instalohen mjetet ujehedhëse? Kur hidhet gaz lotsjellës dhe në përpjestim me çfarë veprimesh nga ana e protestuesve?
Kërkim falja duhet t’u drejtohej po ashtu çdo kalimtari të rastësishem, çdo punonjësi të medias dhe çdo polici të ardhshëm që frymëzohet nga heronjtë e dëshmorët dhe ka veshur uniformen t’i shërbejë atdheut.
Dhe në fund, kur kërkohet falje kuptimi është se pranohet që është gabuar.
