Momente paniku kanë përshkuar spitalin Infektiv por edhe familjarët që presin jashtë ambienteve të tij për pacientët e shtruar në këtë spital gjatë mesditës së sotme.
Kjo për shkak të pacientit 69-vjeçar me inicialet R.B., i cili u hodh nga kati i dytë i spitalit.
69-vjeçari është pikasur fillimisht nga një efektiv policie që monitoron zonën. Ndërkohë që familjarët që presin jashtë perimetrit të sigurisë janë alarmuar pa pasur mundësi për t’u afruar pranë vendit të ngjarjes me frikën se mos bëhej fjalë për të afërmin e tyre.
Ndërkohë po punohet për të mësuar shkaqet që kanë çuar atë të ndërmarrë aktin e rëndë.
