Punonjës të policisë shqiptare prej një muaji patrullojnë rrugët e Strugës në Maqedoni në kuadër të bashkëpunimit mes policive të të dy vendeve.
Po njësoj, në Sarandë janë policë nga Maqedonia të cilët kontrollojnë automjetet e këtij shteti.
Fotot janë të efektivëve shqiptarë të cilët në bashkëpunim me ata maqedonas, kontrollojnë automjetet përgjatë rrugës së plazhit në Strugë.
Ky qytet por edhe Ohri, frekuentohet nga shumë pushues nga Shqipëria të cilët zgjedhin ujërat e liqenit për të kaluar pushimet.
Një marrëveshje e tillë bashkëpunimi policor, funksionon edhe me Kosovën prej disa vitesh, ku policët patrullojnë “Rrugën e Kombit” dhe disiplinojnë trafikun e automjeteve.
/Shqiptarja.com/
