Një 20-vjeçar është arrestuar nga policia e Pogradecit pasi u kap me një sasi lëndë narkotike të dyshuar Cannabis Sativa.
Gjatë kontrollit të ushtruar në banesën e 20-vjeçari me inicialet V.M., banues në fshatin Osnat, iu gjet edhe një sasi prej 2 kg lëndë narkotike.
Njoftimi i plotë i policisë:
Specialistët për Hetimin e Krimeve në Komisariatin e Policisë Pogradec, bënë arrestimin në flagrancë të shtetasit V.M, 20 vjeç, banues në fshatin Osnat.
Arrestimi i tij u bë pasi, gjatë kontrollit fizik të këtij shtetasi, iu gjetën disa doza me lëndë narkotike të dyshuar Cannabis Sativa. Gjithashtu gjatë kontrollit të ushtruar në banesën e tij, iu gjet edhe një sasi prej 2 kg lëndë narkotike të dyshuar Cannabis Sativa. Sasitë e gjetura, iu sekuestruan në cilësinë e provës materiale. Materialet i kaluan Prokurorisë së Rrethit Gjyqësor Pogradec.
