Plot 6 ditë përpara protestës së opozitës, kryetarit të Partisë Demokratike, Lulzim Basha i ftoi të rinjtë e Pogradecit të bëhen pjesë e protestës së 27 janarit.
Në takimin me demokratët e Pogradecit, Basha tha se pas gati 3 dekadash, diktatura ideologjike është zëvendësuar me diktaturën e krimit të organizuar.
Kreu i opozitës tha se qeveria aktuale nuk është mazhoranca reale, por krahu politik i përfaqësuesve të klaneve të krimit dhe drogës, Shullazit, Xhafajve, Habilajve, Balilajve.
Basha u shpreh se protesta e 27 janarit është një mundësi për qytetarët për të ngritur zërin kundër padrejtësive, për të ndryshuar gjendjen e tyre, përmes ndryshimit të qeverisjes së vendit dhe për të hapur një rrugë të re për Shqipërinë.
