Po të ekzistonte “Unioni Europian i Rrenës”, Rama do të na kishte anëtarësuar pa kushte

I ka thënë BE JO, ky thotë më tha PO. Por pas një viti! Po kur ke sukses dhe reforma, pse ta shtyjnë pas një viti dhe jo SOT? Për ketë s’ka shpjegim ky!

Edhe pas një viti, nuk i ka thënë askush se do t’i çelim negociatat. I kanë thënë, shko, ta shohim, po i përmbushe kushtet, mbas një viti do ta shohim nëse i ke përmbushur, jo se do t’i çelim negociatat.

Po përsëri ky rri në këmbë, se e mban guximi për me rrejt haptas. Thotë pas një viti, çelen. Kur kjo nuk është e vërtetë. Tek kushtet i kanë thënë:

1) s’ke sukses në luftën kundër krimit të organizuar dhe korrupsionit
2) ke penguar vettingun dhe reformën në drejtësi, duke penguar krijimin e Prokurorisë Speciale për hetimin e zyrtarëve të lartë
3) s’ke standarte për zgjedhjet e lira 4)
4) Ke numër të lartë azilkërkuesish (dhe 9 kushte të tjera)

Por përsëri, ky mbahet, sepse ka guximin për me rrejt haptas.

Thotë reformat tona janë të mrekullueshme, BE i çmon dhe u impresionua. Bushati tha në parlament qëpare, se vettingu ishte ide e PS dhe, është model jo vetëm për Ballkanit por, edhe për vendet e BE. E mrekullueshme dmth, fantastike.

Veçse BE nuk e pa ketë mrekulli, nuk e ndoqi ketë model që thotë Bushati dhe, iu tha ejani vitin tjetër, ta shohim, nëse keni ndryshuar, pra nëse nuk jeni më me krimin e organizuar, nëse nuk tentoni ta kapni sistemin e drejtësisë, nëse i respektoni zgjedhjet dhe nuk i shkatërroni, mund t’i çelim negociatat.

Pra pyetja është, me gjithë këto reforma, me gjithë ketë sukses, me gjithë këto mrekullira, me gjithë këto modele për tu ndjekur, pse u la për pas një viti?

Apo BE po merr veten psikologjikisht dhe enocionalisht nga tronditja që pësoi prej mrekullive të Rilindjes së Edi Ramës?

Ka guximin me rrejt haptas. E ka.