Policia ka vënë në pranga dy persona, babë e bir, pasi u konfliktuan me njëri tjetrin.
Sipas informacionit nga policia, ngjarja ka ndodhur në Selenicë të Vlorës.
Mësohet se një 69-vjeçar dhe 27-vjeçar po konfliktoheshin fizikisht për motive të dobëta.
Njoftimi i policisë:
Policia vë në pranga dy shtetas, për veprën penale “Dhuna në familje”.
Specialistët për Hetimin e Krimeve në Komisariatin e Policisë Vlorë, në vijim të punës për parandalimin e përshkallëzimit të dhunës në familje, arrestuan në flagrancë shtetasit N. L., 69 vjeç, dhe V. L., 27 vjeç, (babë dhe bir) banues në Selenicë.
Arrestimi i tyre u bë pasi, gjatë një konflikti për motive të dobëta, kanë ushtruar dhunë fizike ndaj njëri- tjetrit.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
