Diferenca e vazhdueshme kundrejt rivalit të tij, Joe Biden ka shkaktuar ankesat e para në radhët e presidentit në detyrë, Donald Trump.
Sipas asaj që raporton menaxheri i fushatës së Republikanëve, Trump po kërkon një rinumërim në shtetin e Wisconsin, pasi rezultatet tregojnë se Biden kryeson atje me rreth 20 mijë vota.
“Ka pasur raporte të parregullsive në disa qarqe të Ëisconsin të cilat ngrenë dyshime serioze në lidhje me vlefshmërinë e rezultateve. Presidenti është brenda pragut për të kërkuar një rinumërim dhe ne menjëherë do ta bëjmë atë.” tha menaxheri i fushatës Bill Stepien në status në rrjetin social “Twitter”.
Aktualisht nuk ka asnjë provë për falsifikim dhe mashtrim të votova në garën presidenciale
Edhe pse Trump mund të kërkojë një rinumërim, nuk ka gjasa të ndryshojë rezultatin përfundimtar në Wisconsin me një diferencë deri në 20,000 mijë vota. Edhe aleatët e Trump, si ish guvernatori i Wisconsin, Scott Walker, kanë thënë se një rinumërim nuk ka gjasa të ndryshojë rezultatin në këtë shtet.
