Persona të paidentifikuar qëlluan me armë zjarri drejt banesës së Albert Krecit, policia fsheh ngjarjen
Është qëlluar me armë zjarri, banesa e Albert Krecit, ish-kandidat i Partisë Demokratike për Bashkinë e Peqinit. Deputeti demokrat Luçiano Boçi, ka publikuar lajmin shoqëruar me një fotografi të plumbit të gjetur rreth banesës s ëish-kandidatit demokrat për bashkinë e Peqinit. Sipas Boçit, bëhet fjalë për kërcënim politik ndaj demokratit Kreçi. Boçi tha gjtihashtu se policia ka pasur dijeni për ngjarjen, por e ka fshehur atë duke e lënë në heshtje.
“Goditja duket se është bërë për arsye politike nga falanga të krimit që sot janë afër Edi Ramës dhe që kërkojnë më dhunë të kontrollojnë zona të cilat i quajnë te tyret, sipas ndarjes influente mafioze që i ka dhënë kapobanda në krye të qeverisë. Nuk ka marrë asnjë iniciative për të hetuar ngjarjen. Me siguri nuk i ka dhënë leje krimi ta bëjë atë që ajo e ka detyrim. Vetëm pas kallëzimit të familjarëve, policia formalisht ka pranuar ngjarjen pas fakteve të pakundërshtueshme, por nuk ka ndërmarrë asnjë aksion për të gjetur autorët.
