Deputeti i Partisë Demokratike, Belind Këlliçi, është shprehur se Berisha nuk është një emër më shumë në PD e as thjesht një individ politik, por magneti i lëvizjes. Ai është shprehur se platforma Basha-Alibeaj kërkon të anashkalojë votën dhe shumicën. Sipas tij, 11 dhjetori, 18 dhjetori dhe 6 marsi janë një realitet politik, të cilin nuk mund ta mohojë askush.
“Berisha nuk është një emër më shumë në PD, e as thjesht një individ politik. Berisha është magneti i lëvizjes më të madhe që ka ndodhur në radhët e demokratëve. Vendimet personale në një parti demokratike mohojnë vullnetin e shumicës. Kur anashkalohet vota, anashkalohet shumica. Këtë synon platforma Basha-Alibeaj. Kjo nuk ka për të ndodhur. PD dhe demokratët do të bashkohen, përkundër çdo tentative për t’i mbajtur të përçarë. 11 dhjetori, 18 dhjetori dhe 6 marsi janë një realitet politik, të cilin nuk mund ta mohojë askush!” – tha Këlliçi.
