Një ngjarje e rëndë është shënuar ditën e sotme në fshatin Zllakuqan të komunës së Klinës në kosovë, pasi është vrarë një person. Ngjarja e rëndë, që ka tronditur fshatin e Klinës, është konfirmuar për mediat kosovare edhe nga Policia e Kosovës. Zëdhënësi për rajonin e Pejës, Fadil Gashi, ka dhënë disa informacione për këtë krim.
Sipas Gashit, të shtënat kanë ndodhur sot rreth orës 18:20 dhe vdekja e viktimës është konfirmuar nga mjeku kujdestar në Spitalin e Pejës. Mediat lokale, kanë raportuar edhe për identitetin e viktimës. Sipas mediave kosovare, viktimë e kësaj ngjarjeje ka mbetur personi me emrin Mark Ademaj.
Për ngjarjen është ndalur një person pasi dyshohet për vrasjen e Mark Ademajt. Zëdhënësi i Prokurorisë Themelore në Pejë, Shkodran Nikçi, i cili tha se në vendin e ngjarjes ka dalë grupi hetimor.
