Bashkia e Tiranës prezantoi projektin e planit urbanistik të kryeqytetit, që sipas kryebashkiakut Veliaj do të jetë me 7 qendra.
“Tirana do të ketë 7 qendra. Tirana policentrike do të ketë qendër atë që ka sot, Kombinatin, Kinostudion, Laprakën, Bulevardin e Ri, në Shkozë dhe Qyteti Studenti. Tirana me 1 milionë banorë nuk mund të vazhdojë të sillet vetëm rreth sheshit “Skënderbej”. Shumë institucione duhen shpërndarë në këto qendra, në mënyrë që t’i jepet frymë qytetit dhe jo të gjithë të dynden në qendër kur kanë hall”, tha Veliaj.
Gjitashtu kryebashkiaku u shpreh se plani urbanistik i Tiranës si çdo projekt madhor i bashkisë do të hajë debat .
Veliaj: Si çdo ide e mirë, si çdo ide e madhe, si çdo plan, edhe kjo do të provokohet. Më thoni një punë të mirë që bashkia ka bërë dhe nuk është provokuar. Disa herë, duke kaluar edhe në limitet e histerisë, siç ishte rasti i parkut të fëmijëve, që siç e pamë ishte shumë zhurmë për asgjë. Jam i sigurt si çdo projekt edhe ky dokument, një projekt madhor i bashkisë do të hajë debat. Ky nuk është një konkurs bukurie. Nuk ka nevojë që të biem dakord për gjithçka, ajo që duhet të ndodhë është që të marrim vendime të drejta, transparente dhe secili që ka diçka për të thënë, të dëgjohet dhe idetë më të mira të implementohen. Gjithmonë do të ketë kundërshtarë. Ne do të bëjmë diskutime përveç me profesionistët edhe me qytetarët e Tiranës, do të marrim atë feedbek-un dhe në fund të verës ne do të fillojmë proçedurat për të kaluar të gjithë planin urbanistik me vota në Këshillin Bashkiak dhe pastaj në KKT dhe besoj se Tirana do të jetë qyteti i parë që e kalon proçesin e planit të përgjthshëm vendor. E di që ka shumë pyetje sesi ne do të prçodojmë, por bashkia e Tiranës do të punojë poavarësisht pushimeve.
