Policia ka zbardhur sot detaje të reja rreth ngjarjes në Mirditë, kur mbrëmjen e kaluar mbeti i plagosur një 52-vjeçar. Burimet bëjnë me dije se Martin Prenga ka marrë 5 plumba në trup dhe po merr trajtim të specializuar në spitalin e Traumës në Tiranë. Ngjarja ka ndodhur në autostradën Morinë – Milot, në afërsi të vendit të quajtur Karburant Boçi, ku Prenga i plagosur është futur në Urgjencën e Spitalit Rrëshen, për ndihmë mjekësore në sallën e operacionit.
Duke qenë se gjendja e tij paraqitej e rëndë, Martin Prenga u transportua drejt spitalit të Traumës në Tiranë. Policia është ende në kërkim të dy autorëve të mundshëm, ndërsa identiteti i tyre nuk bëhet i ditur ende. Pas një konflikti të çastit, 51 -vjeçari, Martin Prenga është qëlluar 5 herë me pistoletë dhe plumbat e kanë kapur në pjesën e këmbës. Sipas të dhënave, Prenga rezulton të jetë i dënuar më parë, pro ende nuk janë dhënë më shumë detaje rreth shkaqeve dhe dosjes së tij të mëparshme.
