Detaje të reja janë zbardhur nga plagosja me armë zjarri mbrëmjen e sotme në Vlorë. Burime paraprake bëjnë me dije se ngjarja ka ndodhur pas një konflikti të çastit mes 19- vjeçarit Sebastian Jallaj dhe autorit identiteti i të cilit nuk është bërë ende publik.
Jallaj mësohet se me plagë plumbi në këmbë shkoi në spitalin e Vlorës. Ngjarja ndodhi në fshatin Llakatund. 19-vjeçari ka ardhur në fshat me një automjet tip “Benz” dhe sapo ka dalë nga makina ka nisur të konfliktohet me autorin.
Më pas, autori ka nxjerrë armën dhe e ka qëlluar Jallajn në këmbë dhe më pas është larguar. Mendohet se bëhet fjalë për një bashkëmoshatar të të plagosurit ndërsa konflikti dyshohet të ketë nisur për arsye banale.
Pritet të zbardhen detaje të reja pas marrjes në pyetje të të plagosurit.
Gijotina.com do t’iu mbajë të informuar lidhur me të dhënat më të fundit nga kjo ngjarje.
