Një sherr i nisur për motive të dobëta në lokalin e lagjes përfundoi në plagosjen e 23-vjeçarit Renaldo Mejdani nga autori i shpallur në kërkim 49-vjeçari Albert Ostreni. Dy fqinjët kanë qenë në lokal ku kanë debatuar me njëri-tjetrin. Më vonë ata kishin lënë një takim në rrugë “Tahsim Shehu” për tu sqaruar për ngjarjen.
Pas debateve, mësohet se Ostreni ka qëlluar me thikë në qafë 23-vjeçarin dhe më pas është larguar menjëherë nga vendi i ngjarjes, ndërkohë Mejdani u dërgua në spitalin e Traumës për mjekim.
Në njoftimin e shpërndarë nga Policia ditën e sotme bëhet e ditur se janë arrestuar dy miqtë e autorit të identifikuar me inicialet D.O 45 vjeç dhe O.I 39-vjeçe pasi dyshohen se e kanë ndihmuar që të arratiset dhe t’i shmanget drejtësisë.
