Policia ka dhënë detajet në lidhje me ngjarjen e sotme në Krujë, ku një person mbeti i plagosur. Sipas policisë, ngjarja ka ndodhur rreth orës 09:45, në fshatin Zgërdhesh, të Krujës, pas një konflikti për motive të dobëta, ku 55-vjeçari, është plagosur me armë zjarri nga personi me inicialet K.Q, i cili është larguar menjëherë pas ngjarjes.
Shërbime të shumta policie kanë shkuar në vendin e ngjarjes për të bërë të mundur kapjen e autorit.
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe sekuestrimin e të gjitha provave me qëllim dokumentimin ligjor të kësaj ngjarjeje.
