Dy persona të tjerë të përfshirë në aktivitetet kriminale të bandës shqiptare me kryeshefin e quajtur “Esko”, janë arrestuar nga policia.
Bëhet fjalë për arrestimin e një burri dhe një gruaje, 27 vjeçe. Bie në sy se kjo grua ishte përfshirë në rrethin më të gjerë të grabitësve me kallashnikovë në periudhën 2010-2011, të cilët hynin në shtëpi në periferi të jugut dhe sulmonin gratë.
Policia vlerëson se të paktën në një rast e arrestuara, e cila njihej me pseudonimin “Pipila”, ndodhej brenda shtëpisë, ku njëra prej grave ishte viktimë e abuzimit seksual. Në kontrollin e shtëpisë së 27-vjeçares u gjetën copëza të botimeve periodike, të cilat i referoheshin përdhunimeve të grabitësve dhe policia mendon se ajo i ka mbajtur si kujtim.
Gjithashtu, u gjet edhe një automatik, ndërsa në emër të saj ishte makina e përdorur nga anëtarët e bandës për të kryer bastisje. Policia vlerëson se 27-vjeçari është pjesëtare aktive i bandës.
