Kjo recetë është franceze dhe nga përbërësit duket shumë e shëndetshme dhe e shijshme. Gatuahen njësoj si pitet ose pancakes por janë të kripura dhe me perime stine.
200g bollgur kokërrvogël
100g thjerrëza të kuqe
100g karrota të prera hollë
Miell orizi 60g (ose miell tjetër)
Qumështi 50cl
1 e njomë
1 grusht majdanoz
1 grusht nenexhik
1 lugë gjelle fara koriandër
1 lugë gjelle masala
1 lugë gjelle shafran i Indisë
2 vezë të vogla
kripë
Gatuajmë thjerrëzat në ujë dhe i thajmë. Presim majdanozin, nenexhikun dhe qepën. Përzierjmë bollgurin me miell, erëzat, qepën, thjerrëzat, dhe një majë luge kripë. Ngrohim qumështin dhe e përziejmë me masën. Shtojmë vezët. Lëmë brumin për 1 orë në temperaturë dhome.
I gatuajmë pitet në një tigan me pak vaj; numërojmë 2 minuta në njërën anë dhe 1 minutë në anën tjetër. Mund ti pjekim më pas në furrë në 100 ° C. I shërbejmë të ngrohta shoqëruar me një salcë kosi./ pergatiti:27.al
