Të gjendur pranë disa situatave të vështira, ndonjëherë jemi mrekullisht gjallë. Pasi tmerri kalon, imagjinata shpesh të bën të mendosh, po sikur të kishte ndodhur e kundërta?
Ky duhet të ketë qenë mendimi që ka shtyrë pronarin e një restoranti në Londër të japë pica dhe ujë falas.
Teo Catino, i cili jeton prej 30 vitesh në Londër ka shpërndarë pica para stacionit Parsons Green, aty ku 22 persona mbetën të plagosur pas një shpërthimi në metro.
“Gruaja dhe vajza ime çdo ditë marrin metronë në këtë stacion për të shkuar në shkollë, pikërisht në kohën kur ndodhi sulmi. Fatmirësisht mëngjesin e shpërthimit nuk ishin aty. Me këtë gjest dua të falenderoj forcat e rendit dhe skuadrat e shpëtimit”, është shprehur ai.
