Këshilli Studentor Shqiptar, një nga zërat më seriozë dhe më të fortë gjatë protestës së studentëve i ka kërkuar Ministres së Arsimit shtyrjen e datës së zgjedhjeve në arsimin e lartë.
Këshilli Studentor jep disa argumenta pse ato duhet të shtyhen, pse janë antikushtetuese dhe pse vënë në rrezik shëndetin e studentëve.
Deklarata nga Këshilli Studentor i Universitetit të Tiranës:
REPUBLIKA E SHQIPËRISË
UNIVERSITETI I TIRANËS
KËSHILLI STUDENTOR
FAKULTETI I SHKENCAVE TË NATYRËS
Tiranë,më 03.07.2020
DEKLARATË
Vërehet qartë nje ping-pong institucional,ku si per cudi Ministria e Arsimit është ajo që nxit dhe hap fronte të reja drejt përplasjes institucionale.Cila ishte nevoja e zhvillimit të zgjedhjeve me kaq nxitim,pse u vendos data 30 korrik,në mesin e kësaj pandemie të furishme ku piku nuk dihet?Kapje e Autonimisë Universitare nga vet ekzekutivi.
- Në kushtet kur numri i të prekurve me Covid-19 shtohet nga dita në ditë, hapja e fushatës presupozon grumbullime studentësh në takime me kandidatë për shefa departamentesh, dekan dhe rektorë, të cilët do të shpalosin secili platofrmën e vet të drejtimit.
- Nuk është parashikuar asnjë strategji, asnjë masë se si do të zhvillohen këto grumbullime masive studentësh, si do të bëhet transporti i tyre nga rrethet drejt Tiranës, apo qyteteve të tjera ku gjenden universitetet publike si Shkodra, Gjirakastra, Korca, Vlora, Elbasani Durrësi, Saranda dhe Kamza.
- Konviktet janë mbyllur, kushtet e tyre janë ato që dihet tashmë dhe nuk janë të përshtatshëm për të pritur përgjatë muajit korrik fluksin e studentëve.
- Shumë universitete kanë mbyllur diplomimet në 26 Qershor, ndërsa të tjerë i kanë bërë provimet online çka do të thotë se përjashtohen a priori një numër i konsiderueshëm studentësh.
- Provimet e fund korrikut janë deklaruar nga universitetet dhe vetë MASR si të veçanta dhe të dedikuara vetëm për studentët e viteve të treta bachelor dhe viteve të dyta master, çka të bën të mendosh se në datën 30 korrik nuk mund të jenë prezent më tepër se një e treta e studentëve. Për dy të tretat e studentëve që mbeten pa votuar, nuk mban askush asnjë përgjegjësi.
- Universitetet publike kanë organizuar ambjentet vetëm për një të tretën e studentëve, dhe kjo është deklaruar në planet e masave të tyre, pra përsëri kemi insufiçencë të mjediseve se ku do të mbidhen studentët.
- Jemi në kushtet ku në Universitetin Politeknik të Tiranës një studente doli e infektuar me covid-19, deklaruar kjo në media.
- Jemi në kushtet kur policia ka shpërndarë me forcë grupime të vogla protestuesish, jo më herët se javën e shkuar.
- Mbrojtja e Autonomisë Universitare është një tjetër aspekt i rëndësishëm,ku ngjarjet e ditëve të fundit kanë treguar një mungesë dhe misrespektim të këtij parimi.Beteja ligjore për Kopshtin Botanik vazhdon dhe do të vazhdojë derisa,Kopshti Botanik ligjërisht të mos jetë më objekt pretendimi pronësie.Konfliket institucionale mes Universitetit dihen dhe morën zhvillime të mëdha dhe me problematikat e diplomimit të studentëve të Fakultetit të Ekonomisë.Këto janë mjaft shqetësime dhe sjellja e të tjerave nuk ndikon për mirë në frymën universitare.
- Ne disa fakultete, provimet jane vendosur te zhvillohen online ( fakulteti i gjuheve te Huaja i UT), cka do të thote që studnetet nuk jane fare prezente ne fakultete; apo ne disa te tjere, datat e fundit te diplomimit jane para dates 30 korrik 2020, pra automatikish, ata nuk jane me studente, pra kete kategori studentesh , urdheri i ministres i perjashton nga e drejta per te votuar per dekan dhe rektor, dhe per t’u zgjedhur apo per te zgjedhur perfaqesuesit e tyre ne organet drejtuese ( senatin Akademik).
- Gjithashtu, ulet ndjeshem mundesia e pjesemarrjes ne votime te trupes zgjedhore “personel akademik”, sepse, duke patur parasysh daten e vendosur per te zhvilluar zgjedhjet ne universitete, ( 30 korrik) pervec temperatura mjaft te larta, shume prej tyre mund te jene me pushime, larg Tiranes, apo qyteteve te tjera ku ndodhen institucionet publike te arsimit te larte.
Unë Xhuljan Guçe,kryetar i Këshillit Studentor,Fakulteti i Shkencave të Natyrës, njëkohësisht dhe kandidat senator i Senatit Akademik,Universiteti i Tiranës,ju drejtohem të nderuar,kandidatë për Rektor,kandidatë për Dekanë,kandidatë senator,të marrim masa për mundësinë e shtyrjes së zgjedhjeve universitare deri në një periudhë kohore të dytë.Shtyrja e zgjedheve në Senatin Akademik,pikë së pari do i shërbej gjithë pjesëtarëve të jetës universitare ku pjesa më e madhe e tyre janë studentët.Mbajtja e zgjedhjeve në datën e parashikuar nga Ministria e Arsimit,me urdhin nr 175 të datës 30.06.2020, i heq mundësinë shumë studentëve të drejtën e votës,të drejtën e tyre kushtetuese.Zgjedhjet nuk mund të mbahen në datën 30.07.2020 pasi vota e shumë studentëve të rretheve nuk garantohet.Problemet gjatë marrjeve të masave kundër pandemisë së Covid-19,do ndikojnë në procesin zgjedhor,duke mos garantuar dhe një herë të drejtën kushtetuese të studentëve,atë të votës.
Si kandidat senator propozoj:
▪ Bashkimin në nismën për të shtyrë procesin zgjedhor,për mundësimin dhe garantimin e votës për gjithë studentët e Universitetit të Tiranës.
▪ Rifillimin e saj në shtatorin e vitit 2020.
▪ Senati Akademik duhet të marri kohë të mjaftueshme për të zgjidhur problematikat me të cilat po përballet KIZ(Komisioni Institucional Zgjedhor).
Bashkëngjitur deklaratës,gjeni dhe peticionin ku do shprehet vullneti individual i cdo subjekti zgjedhor.*
Kryetari i Këshillit Studentor
Fakulteti i Shkencave të Natyrës
Xhuljan Guçe
PETICION
Lënda: Nisma për të shtyrë procesin zgjedhor,për mundësimin dhe garantimin e votës për gjithë studentët e Universitetit të Tiranës
Drejtuar: Subjekteve Zgjedhore për ‘’ Organizimin e zgjedhjeve të autoriteteve drejtuese dhe Senatin Akademik në Universitetin e Tiranës’.
Ne,nënshkruesit e këtij peticioni si subjekte zgjedhore shprehim vullnetin tonë që jemi kundër mbajtjes së procesit zgjedhor në datën e parashikuar nga urdhri i Ministrisë së Arsimit nr 175 të datës 30.06.2020 ‘’Për zhvillimin e procesit zgjedhor për autoritetet dhe organet drejtuese në institucionet publike të arsimit të lartë’’.
Vullnetin e shprehim në mënyrë të lirë,në kuadër të garantimit të së drejtës së votës për të gjithë subjektet pjesëmarrëse.
