Kryeministri Edi Rama ka shtyrë për të martën mbledhjen, të cilën e kishte parashikuar sot me deputetët dhe anëtarët e Partisë Socialiste, dega Shkodër.
Një temë diskutimi pritet të jetë emërimi i drejtorëve rajonalë, të cilët u shkarkuan pak kohë më parë me argumentin se nuk kanë qenë efikas në detyrat që u janë ngarkuar.
Mbledhjen e kaluar ligjvënësi i Shkodrës, Paulin Sterkaj i është drejtuar kryeministrit duke i thënë se vendimi për drejtorët ka marrë trajtat e një tenderi, ku secili dërgon emrat e tij.
Kjo deklaratë solli reagimin e kryeministrit Rama, i cili tha se sipas informacioneve që ka, janë 7 lista me emra për drejtorë për institucionet e Shkodrës.
