Inspektoriati Kombëtar i Mbrojtjes së Territorit ka vijuar me aksionin e prishjes së disa godinave përgjatë bregdetit në Orrikum ndërkohë ka hasur edhe përplasje me banorët.
Banorët e Radhimës, Orikumit dhe Dukatit kanë dalë në protestë kundër aksionit dhe nuk kanë munguar përplasjet me forcat policore.
Situata është tensionuar edhe më tej kur banorët i kanë dalë para fadromës duke e qëlluar me gurë, deri në ndërhyrjen e Policisë.
“Largohu se do të të djegim fadromën. Fadromat mos të rikthehem më. Do t’ju vrasim? Ikni që këtu. Për ça vini këtu?! I kemi me lek të ballit jo me drogë e hashash,”-dëgjoheshin teksa thoshin banorët.
Sipas banorëve, disa prej shtëpive të tyre janë shembur dhe asnjë prej përfaqësuesve të Bashkisë nuk i ka takuar për t’i prezantuar planin apo edhe për të folur në lidhje me dëmshpërblimet.
