Mbrëmjen e sotme rreth orës 20:00 ka ndodhur një përplasje me armë zjarri mes bandave në aksin Bulqizë-Peshkopi. Ngjarja në vendin e quajtur Peladhi, ndërsa dyshohet se shënjestër ka qenë një person me mbiemrin Tërnova.
Informacion paraprak
Në rrugën që lidh fshatin Godvi me fshatin Peladhi, është qëlluar me armë zjarri në drejtim të automjetit Land Rover me targa AA 489 RA, që drejtohej nga shtetasi F.T, 29 vjeç, banues në fshatin Peladhi.
Drejtuesi i automjetit nuk ka ndaluar por është larguar nga rruga që lidh fshatin Godvi me fshatin Peladhi, rreth 500 metra nga vendi i ngjarjes e më pas ka lënë automjetin në anë të rrugës, dhe ka njoftuar Policinë.
Nga të shtënat drejtuesi i automjetit nuk ka marrë asnjë lëndim. Drejtuesi i automjetit levizste i vetëm me automjet. Në vendin e ngjarjes janë sekuestruar disa gëzhoja. Nga kqyrja paraprake e automjetit janë dalluar dy shenja plumbi.
Forca të shumta policore të mbështetura dhe nga forcat e policisë së Drejtorisë Vendore Dibër, kanë ngritur pika të shumta kontrolli, po krehin zonën për identifikimin dhe kapjen e autorit/ëve.
http://shqiptarja.com/home/1/perplasje-me-arme-zjarri–ne-aksin-bulqize-peshkopi-458509.html?pos_2
