Detaje të reja janë zbardhur nga ngjarja e rëndë, ku përplasja mes dy fiseve përgjaku qendrën e Klosit. Mësohet se përplasja me armë zjarri ka ndodhur mes dy fiseve Mjeshtri dhe Shira, që kanë pasur konflikte të hershme me njëri-tjetrin.
Palët janë përplasur sërish sot kur janë përballur në një lokal në qendër të Klosit. Përplasja është shoqëruar me të shtëna me armë zjarri, ku si pasojë e të cilave ka mbetur i vrarë një 17-vjeçar. Babai i viktimës dhe dy persona të tjerë janë plagosur e ndodhen në gjendje të rëndë në spital.
