Një 36-vjeçar është arrestuar nga policia e Tiranës pasi ka aksidentuar për vdekje një 68-vjeçar.
Blutë bëjnë me dije se u bë arrestimi në flagrancë e personit të identifikuar me iniciale A.I, 36 vjeç. I moshuari, ndërroi jetë pasi u transportua në spitalin rajonal të Tiranës si pasojë e plagëve të rënda që kishte marrë.
Nga hetimet paraprake dyshohet se shkak i aksidentit ka qenë shkelja e sinjalistikave rrugore dhe manovrat e shpejtësisë.
Ndërsa policia nuk ka qenë në patrullim për të parandaluar ngjarjen. 27.al raporton se bilanci i aksidenteve tragjike në vend, vijon të rritet.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
