Policia e shtetit ka zbuluar një magazinë me 12 tonë drogë të fshehur. Magazina e hashashit është gjendur në fshatin e braktisur të Pagrit ku gjithësej ka 14 shtëpi.
Rusetm Mucelli, 61 vjeç dhe Eqerem Aliu, 60 vjeç, u arrestuan për shkak se së bashku me një person tjetër të shpallur në kërkim kishin marrë në përdorim magazinat ku u gjet droga.
Gati 12 tonë drogë u gjetën në këto ambjente dhe pronarët e tyre tashmë dyshohen për prodhim dhe shitje narkotikësh në bashkëpunim.
Banorët dhe të afërmit e të dyshuarve mohojnë që fshati i tyre të jetë përfshirë në këtë rast. Madje, sipas tyre, droga është strehuar në magazina nga persona të tjerë, të huaj për banorët.
