Nga Ahmet Zani
Mjaft problematike mbetet situata nga reshjet në disa fshatra të Krujës dhe Kurbinit. Disa banorë janë të izoluar në banesat e tyre dhe nuk kanë asnjë mundësi të largohen.
Në fshatin Murqinë sipas kryeplakut Pjeter Paloka rreth 50 shtëpi banimi janë plotësisht të mbulluara nga uji, ndërsa pesë familje janë të izoluara. Në mbrëmjen e djeshme disa forca ushtarake kanë mbërritur në fshat, por nuk kanë mundur të ndërhyejnë nga prezenca e madhe e ujit.
Dëmet janë të kosiderueshme, në bagëti dhe prodhime buqësore. Në dhjetë familje kjo situatë është e përvitshme pasi mungon shkarkimi i ujit nga linja hekurudhore, dhe për rrjedhojë këto familje, janë të rrezikuara nga reshjet.
Ndërsa aksi nacional Fushë-Krujë- Thumanë vijon të mbartë probleme nga prania e ujit duke paralizuar trafikun që nga dita e djeshme.
