Teksa të gjithë mendonin se Liverpuli mbylli gjysmëfinalen e Championsit që në ndeshjen e parë, Villareal ka zbritur me “këmbë në tokë” duke i surprizuar anglezët në Spanjë.
Që në 45 minutat e para të gjysmëfinales së dytë të këtij kompeticioni pa spanjollët dominues, madje duke udhëhequr 2-0. Pjesa e parë ishte tejet e bukur, me raste shumë.
Villareal e nisi në mënyrën më të mirë të mundshme takimin ndaj Liverpool. Vendasit zhbllokuan sfidën që në minutën e 3-të. Ishte Dia që mposhti Alisson, duke çuar stadiumin në festë. Në minutën e 6-të, të kuqtë provojnë të reagojnë. Robertson dërgon një top në zonë, por spastrohet gjithçka.
Në minutën e 16-të, Moreno ka shansin për të dyfishuar shifrat, por gjuajtja e tij me kokë nuk përfundon në rrjetë. Anglezët krijojnë një aksion tejet të rrezikshëm (26’), por arbitri Makkelie ndal lojën për shkak të një faulli të Salah ndaj portierit Ruli, që kishte lënë portën.
Ekipi i Emery tregon se nuk ka ardhur këtu rastësisht, pasi shënon me Coquelin të dytin, në të 41-tën. Skuadra musafire ngushtoi shifrat në të 60-tën, pas një goditje të fortë të Fabinho.
Shpresat për kualifikimin historik të Villareal i shuan Diaz, në të 67-tën. Sulmuesi tregohet i saktë me kokë.
Së fundmi, përmbysja fantastike do vinte në të 75-tën, me Mane. Senegalezi dhuroi shoë, duke dribluar të gjithë, madje edhe portierin rival.
