Në Portin e Durrësit është shkarkuar sasia e fundit e tubave që do të përdoren për ndërtimin e segmentit tokësor të Gazsjellësit Trans Adriatik (TAP) në Shqipëri.
Kjo ishte anija e 15-të që ka transportuar tubat e çeliku nga Gjermania, ku janë prodhuar. Rreth 13.000 tuba, bërryla dhe makineri të ndryshme, me peshë totale prej më shumë se 200.000 tonësh, janë shkarkuar në Portin e Durrësit që nga muaji prill i vitit të kaluar.
“Shkarkimi i tubave dhe bërrylave ka qenë një operacion i organizuar me saktësi të lartë.
Tubat janë transportuar deri në Durrës nga kontraktori i TAP, Salzgitter Mannesmann International GmbH, duke përdorur kompaninë INTRAHA Reederei-Kontor GmbH e cila ka qenë përgjegjëse për transportin detar, shkarkimin dhe transportin deri në sheshin kryesor të magazinimit.
Falenderime për mbarëvajtjen e këtij procesi i takojnë edhe Diamant Logistics, një nënkontraktor i rëndësishëm në transportin e tubave”, është shprehur menaxheri i Projektit TAP për Shqipërinë.
Dërgesa e fundit detare shënon përmbylljen e një faze tjetër shumë të rëndësishme në ndërtimin e gazsjellësit.
