Ka përfunduar tryeza e krerëve të partive parlamentare në Kryesinë e Kuvendit, në përpjekjen për ti dhënë fund krizë politike, ndërkohë Rama dhe Basha po vazhdojnë takimin, por kokë më kokë për të gjetur një zgjidhje për krizën politike.
Pas takimit, lideri i Partisë Republikane, Fatmir Mediu ka thënë për mediat se opozita e ka pranuar paketën McAllister.
Mediu vlersoi gadishmërinë e partive LSI, PDIU dhe LIBRA për të gjetur një zgjidhje për krizën politike.
Fatmir Mediu, PR: Në tryezë kemi pozicione të përafërta, por dhe të ndryshme. Opozita ka ritheksuar se ka miratuar paketën e Yee dhe ambasadorit Lu, kjo është paketa McAllister dhe propozimet e tjera të integruara. Kemi parë një vullnet të mirë nga pjesa tjetër e partive politike, vec zotit Rama. Opozita është e gatshme ta miratojë këtë paketë, të votojë vettingun dhe të procedohet me zgjedhje. Qëllimi ynë është që zgjedhjet të mos ndikohen nga droga por nga standardet. Vlerësoj angazhimin e LSI, PDIU dhe LIBRA që shprehën gatishmërinë për ta mbështetur këtë paketë.
Pjesëmarrës të tjerë në këtë takim, si Dashamir Shehi dhe kreu i PDK, Nard Ndoka nuk kanë preferuar të bëjnë deklarata për mediat.
