Zëvendës kryeministri i Kosovës, biznesmeni Behgjet Pacolli ka publikuar sot fotografitë e projektit të një kompleksi me tre pallate që do të ndërtohet në Thumanë.
Pacolli shkruan se kompleksi do të financohet tërësisht nga familja Pacolli dhe do të strehojë familjet e prekura nga tërmeti shkatërrimtar i 26 nëntorit.
“Të dashur miqtë e mi,
Me një shpejtësi rekorde përfundoi projekti i ndërtesave me apartamente moderne, që do të ndërtohen në Thumanën e goditur nga tërmeti rreth 3 javë më parë. Tani është çdo gjë gati për të filluar ndërtimi, i cili do të financohet komplet nga familja Pacolli, nëpërmjet fondacionit “Behgjet Pacolli”.
Falënderoj të gjithë grupin që punuan në punët pregaditore dhe projektuese”, shkruan Pacolli.
