Pas vendimit të presidentit Ilir Meta, për anullimin e zgjedhjeve të 30 Qershorit, Kryeministri Edi Rama ka bërë lëvizjen e radhës.
Rama do të thërrasë sot në orën 11:00 një takim me ambasadorët e vendeve më të rëndësishme të BE-së që janë akredituar në vendin tonë. Takimi pritet të mbahet në zyrën e ambasadorit të BE-së, Luigi Soreca.
Ndërkohë zëdhënësja e Partisë Socialiste, Elisa Spiropali u shpreh se kjo forcë politike do të nisë procedurat për shkarkimin e Presidentit Ilir Meta.
Në një konferencë të jashtëzakonshme, Presidenti sqaroi se kriza e thellë politike në të cilën ndodhet vendi dhe mosreflektimi i palëve e detyruan të anullojë zgjedhjet e 30 qershorit.
