Një incident ka ndodhur sot në aksin rrugor Durrës–Spitallë, ku një autobus urban i linjës së kampusit universitetar u përfshi nga flakët teksa ishte në lëvizje, duke shkaktuar panik për pasagjerët, shumica prej tyre studentë.
Sipas informacioneve paraprake, zjarri ka shkaktuar dëme materiale në mjet, ndërsa fatmirësisht nuk raportohet për persona të lënduar.
Në vendngjarje kanë mbërritur me shpejtësi forcat zjarrfikëse, të cilat kanë ndërhyrë menjëherë dhe kanë bërë të mundur vënien nën kontroll dhe shuarjen e flakëve, duke shmangur përhapjen e mëtejshme të zjarrit.
Shkaqet e incidentit mbeten ende të paqarta, ndërsa pritet që autoritetet përkatëse të kryejnë verifikimet dhe të zbardhin rrethanat e plota të ngjarjes.
