Përshkrimet ndryshonin për atë se çfarë kishte veshur burri (24-vjeçarja tha se kishte veshur një xhup dhe këpucë të bardha, 34-vjeçarja foli për veshje të errëta dhe atlete të zeza), por mund të kishte ndryshuar brenda tre orëve.
Ndërkohë policia greke ka identifikuar përdhunuesin në Paleo Faliro, por ai është arratisur jashtë shtetit. ERT raportoi të shtunën se bëhet fjalë për një të huaj, 45 vjeç, i divorcuar, i cili jetonte me nënën e tij.
Personi është arratisur në Shqipëri ndërsa pritet të lëshohet një urdhër arresti ndërkombëtar për arrestimin dhe ekstradimin e tij drejt Greqisë. Protothema shkruan se hetimet kishin nisur pas përdhunimit në orët e para të së dielës në Paleo Faliro.
Si mbërriti policia te autori
Materiali nga kamerat e sigurisë së dyqaneve në zonën e gjerë të Palei Faliros është “skanuar” nga oficerët e sigurisë për të hartuar rrugën e ndjekur nga përdhunuesi i rrezikshëm. Në pikën ku u dhunua 34-vjeçarja, në Avenue Poseidonos, qarku i mbyllur i Tramvajit ka regjistruar sulmin.
Megjithatë, kamera e një kafeneje në Amfitea Avenue ka regjistruar përdhunuesin me tatuazhin teksa tentoi të përdhunonte një grua tjetër pak orë para sulmit në Agia Skepi. Në video-dokument shihet viktima e tij e afërt duke ndaluar në një semafor në Avenue Amfitheas. Përdhunuesi u fut në makinën e saj dhe u përpoq ta çonte atë në një vend të largët. Përdhunuesin me tatuazh e zë paniku nga reagimi i gruas, zbret nga makina dhe nis të vrapojë drejt Avenue Amfiteas ku edhe zhduket.
Siç shihet edhe nga përshkrimet, bëhet fjalë për një “grabitqar” të pamëshirshëm dhe të rrezikshëm, i cili kërkonte viktimat e tij në rrugë. Dhe zgjedhja e pikës specifike për të “goditur” nuk ishte thjesht rastësisht.
